செயல்பாடுகள்

உலகத்துல தலை சிறந்த சொல் செயல்ன்னு சொல்லுவாங்க. செயல் தான் அனைத்து வெற்றிகளுக்கும் அடித்தளம் ஆகும். வார இறுதி நாட்களில் சனி இரவிலோ அல்லது ஞாயிறு காலையிலோ செயல்களை செய்ய ஆரம்பித்தோம். இந்த ஏழு வருடத்தில் குழு அணியாகி குடும்பமும் ஆனது.

சென்னை வெள்ளம், கஜா புயல், தானே புயல் ஆகிய இக்கட்டான சூழல்களில் நிவாரண பொருட்களை ஒருங்கிணைத்து கொண்டு சென்று சேர்த்துள்ளோம். 'தொடர் செயல்பாடுகள் முடியுமா?' என்ற ஐயம் வந்த வேளையில் கொரோனா ஊரடங்கு காலத்தில் தொடர்ச்சியாக வருமானம் பாதிக்கப்பட்டவர்களுக்கு, முதியவர்களுக்கு உணவு அளித்து, தேவைப்படுவோருக்கு மளிகை பொருட்கள், காய்கறிகள் அளித்து, பொது இடங்களில் சமூக இடைவெளி பழக்கி பணிகளை தொடர்ச்சியாக 50 நாட்கள் செய்து வந்தோம்.

அந்த தொடர் ஓட்டம் தந்த ஊக்கத்திலும், உத்வேகத்திலும் மணிக்கட்டி ஊரணி என்ற பன்னீர் தெப்பத்தினை மராமத்து செய்து, கட்டுமானப் பணிகளை செய்து வருகிறோம். தினமும் காலை வேளையில் வெகுஜனம் பள்ளி செல்லும் சமயத்தில் போக்குவரத்து ஒழுங்குபடுத்தும் பணிகளை கடந்த மூன்று மாதமாக செய்து வருகிறோம். எத்தகைய விமர்சனங்கள் வந்தாலும் எங்களது சரியான நோக்கத்தை மட்டும் மனதில் வைத்துக் கொண்டு செயலை செய்து வருகிறோம். சரியான செயல்திட்டம், சரியான செயலாக்கத்துடன் எங்களது பயணம் எப்போதும் தொடரும்...